Sembiang Rosari

Tanda Regang
Dalam Nama Apai enggau
Anak enggau Roh Kudus.
Amin.

Tabi Ka Nuan Maria.

Tabi ka nuan, Maria,
ti penoh olih nimet,
Allah Taala sejalai enggu nuan.
Nuan lebih bereka ari samoa indu
lalu beberekat Anak nuan, Jesus.
O Maria, ti kudus,
Indai Allah Taala
Kami orang ti besalah
minta nuan besembiang ka kami
diatu lalu maya kami parai ila. Amin.

Apai Kami
Apai kami ti di serega,
Kudus meh Nama nuan
Kenatai ka perintah nuan
Nyadi meh peneka nuan
di dunya baka di serega
Beri kami sahari tu,
numbas pemakai kami.
Ampun penyalah kami,
baka kami ngampun orang,
ti udah salah ngelaban kami.
Anang mai kami ngagai penguji,
tang lepas ka kami ari penyai. Amin.

Pengarap Bala Rasul
Aku arap ka Allah Taala, Apai ti pemadu bekuasa, ti pengaga serega enggau dunya.
Aku arap ka Jesus Kristus,
Anak tunggal iya, Tuhan kitai.
Iya nyadi mensia olih kuasa Roh Kudus, di ada ka Maria, Dara Tuchi.
Iya diperinsa rambau Pontius Pilate,
diregang, parai lalu ditumbak.
Iya murun ngagai sebayan,
udah tiga hari iya angkat idup baru.
Iya niki ka menoa serega,
lalu dudok ari sapiak kunan Apai iya.
Iya ka datai baru,
nyara orang ti agi idup
enggau orang ti udah parai.
Aku arap ka Roh Kudus,
Gereja katolik ti kudus,
saum orang saint
pengampun samoa penyalah,
pengangkat samoa tuboh,
enggau pengidup ti meruan. Amin..

1. Ngaga Tanda Regang enggau nyebut
    sampi "Aku Arap"
2. Sebut Sembang" Apai kami"
3. Sembut Sembiang "Tabi ka nuan
     Maria"
4 .Sebut Sembiang " Puji Ka Apai"
5 .Diatu, berengkah nyebut Misteria
     Katerubah, udahnya sebut sembiang
     "Apai Kami"
6. Sebut sepuluh kali sembiang "Tabi
     Ka Nuan Maria". Maya tu kitai tau
     meditasi ka (misteria) cherita nya.
7. Sebut sembiang :"Puji Ka Apai:".
8. Udah abis siti genteran, sebut
     "Sembiang Fatima"," O Tuhan
     Jesus..."
9. Sebut Misteria Ke-Dua, udah nya
     sebut "Apai Kami"
10.Ulang nitih ka ator nya ba misteria
     bukai sampai abis.
11. "Sembiang Ngagai Indai Maria"
      engau sampi penutup bukai.

Sembiang Ngagai Saint Michael
Pengulu Melikat

Saint Michael. Pengula Melikat, jaga kami enggau kuasa pengelikun nuan, ari panjok enggau penyai Sitan,
dalam perang ngelaban kuasa bala antu neraka.
Asoh Allah Taala rara antu jai ka ngelakar samoa dunya, olih kuasa Allah Taala pasong lalu buai,
ngagai bantut lubang api neraka.
Sitan enggau samoa bala antu, ka ngachir di sereta dunya, deka negerampus lalu ngerusak samengat
samoa anembiak Allah Taala. Amin

Lima Cherita Pengaga (Hari Satu, Hari Empat)
1. Gabriel nganjong pesan ka Maria
2. Maria nemuai soh petunggal iya Elisabet.
3. Tuhan Jesus ada di Betlehem.
4. Maria nyua Anak iya ka Allah Taala dalam rumah sembiang.
5. Tuhan Jesus ditemu Indai iya dalam rumah sembiang

Lima Misteria Pengaga disebut ba hari Satu, Empat enggau
Hari Minggu berengkah Ka Musin Penatai ngagai Musin Lent

Lima Cherita Penyinu
(Hari Dua, Hari Lima)
1. Penusah Tuhan Jesus di kebun Getsemani
2. Tuhan Jesus dilunsin orang.
3. Orang ngenyak katapu duri di pala Tuhan
Jesus
4. Tuhan Jesus ngesan Kayu regang.
5. Tuhan Jesus parai diregang.

Lima Misteria Penyinu disebut ba hari Dua,
Lima enggau Hari Minggu dalam musin Lent

Puji Ka Apai
Puji ka Apai, ka Anak, ka Roh Kudus;
baka mula kelia, kemaya tu,
lalu datai ka selama-lama iya. Amin.

Sembiang Fatima
O Tuhan Jesus, ampun samoa penyalah kami,
jaga kami ari api neraka,
bai samoa samengat ngagai menoa Serega,
ka lebih agi sida ka beguna bendar pengasih Nuan.
Amin.

Lima Cherita Pemuji
(Hari tiga, Hari enam, Hari Minggu)
1. Tuhan Jesus angkat ari pemarai.
2. Tuhan Jesus niki pulai ka serega.
3. Roh Kudus nurun atau Rasul
4. Maria diambi melaikat ngagai serega.
5.Allah Taala ngasoh Maria ari atas samoa di serega.

Lima Misteria Pemuji disebut ba hari Tiga, Enam enggau
Hari Minggu berengkah ari Musin Paski ngagai Musin Penatai.

Sembiang Ngagai Indai Maria
O Maria Dayang serega, indai pengasih,
nuan pengidup, penyamai, pengandal kami,
kami ti merinsa ngangau ka nuan,
minta nuan ninga, ka kangau, ka tempalau,
ka sada, ka nyawa kami ti tusah diau di menoa tu.
Nya alai nuan ti penyaup kami,
kami minta perening, minta iching, minta peda,
minta tela, enggau mata pengasih nuan.
Asoh kami meda tuhan Jesus, Anak nuan,
O Maria, Dara tuchi, ti mentas, ti kasih,
ti rindu ka kami. Amin.

Ketuai: Besembiang ka kami Indai Kudus Allah Taala.
Samoa: Ngambi ka kami patut deka nitih ka semaya
Anak nuan Tuhan Jesus.

Aram kital sembiang
O Allah Taala Apai ti pemadu bekuasa enggau Anak
tunggal nuan Tuhan Jesus.
Olih pengidup, pemati enggau pengangkat iya,
kami dilepas sereta bulih pengidup ti meruan.
Asoh kami selalu berati ka cherita kudus iya.
leboh kami sembiang Rosari Dara tuchi.
Ngambi ka kami nunda utai ti udah disemaaya iya,
beseruan ka Jesus Kristus, Tuhan kami.
Amin.